TAFAKALI YA PASAKA

KWELI TUNASHIRIKI KUMTESA YESU?

Ebu tujiulize kuhusu upendo wa namna ya kupendeza jinsi Bwana Yesu anateseka kwa ajili yangu na wewe pia.

Tujiulize ni mara ngapi tunaendelea kuyafanya pengine ni kufuru na kumdharirisha ndani ya kanisa na nje ya kanisa kwa kumunyo za kumdhihaki ukosefu wa heshima kwenye nyumba ya Mungu tukijidanganya kuwa twaenda na wakati ambayo hayatofautiani na ya  Wayahudi waliomtesa.

Awali ya yote kwanza tufanye tafakari fupi katika siku za kuelekea ushindi wa Yesu.

i)JUMAPILI YA MATAWI.

Tunashangilia mkombozi kuingia Yerusalemu kama walivyofanya Wayaudi. Kama tushirikiavyo katika kupeperusha matawi tukiimba Hosana  Mwana wa Daudi. Lakini wakati tunafanya hivyo tujiulize tunafahamu maana ya kutumia rangi nyekundu? Tusaidiane kwa hilo ili kuyaelewa makuu hayo.

ii)ALAMISI KUU.

Tujiulize juu ya mapendo ya kumpendeza kukubali kutoa mwili na damu yake katika mafumbo ya mkate na divai ili lengo lake aishi nasi milele  daima.

Tujiulize hivi kweli tunayaheshimu matendo hayo hasa ya mkate na divai au hatujui nap engine inawezekana tunashiriki kumzihaki kwa namna tunavyompokea? Tukijifariji tunaendana na mabadiliko ya ulimwengu? Mfano kuogopa kuchafua mavazi yetu tukipiga magoti? Je tunaungana na Yule mwovu aliyetaka Yesu ampigie magoti?  Au hatutaki kuonesha ishara ya unyenyekevu kwake tukijidanganya ishara ya nje sio lazima?

Ushauri.

Tuulinde utukufu wake, hasa wakati wa kumpokea tusije tukajikuta tunajiandalia adhabu kali.Pia ni vyema tumpokee ulimini zaidi hii itutusaidia kumlinda mwokozi kudondoshwa chini hali inayopelekea kumkanyaga hiyo ni ishara ya kumdhihaki kama Wayahudi walivyofanya baadhi yao.

Je? Tujiulize ni mara ngapi tunampokea katika hali hiyo. Basi hii ni tafakari yangu je we wasemaje au waonaje njia sahihi?

iii)IJUMAA KUU.

Je? Tunajifunza nini hivi leo? Wakati dunia inaangaika kwa mateso mengi watoto wasiokuwa na hatia wanatolewa mimba, ukatili wa kijinsia, unyanyasaji kwa wanyonge na mengineyo. Hivi tunashiriki vyema katika kuyaepusha?

Hivi tena tujiulize tunapokatazwa kula nyama tunajifunza nini kuhusu tendo hilo? Basi tumwombe Bwana Yesu atufundishe maana yake ili tunapoikumbuka siku hiyo kuhusu kifo tupate Baraka zake kwa kwa kuyatafakari matendo hayo kwa usahihi.

iv)JUMAPILI YA PASAKA.

Ni shangwe kuu tunaposherekea ushindi wa Bwana Yesu na ukombozi wa mwanadamu.Je? tujiulize hivi tunafufuka naye kweli au tunajiona tunafufuka kimwili lakini tumekufa bado kiroho. Mtoto,kijana, mzee na kikongwe yatupasa kukaa chini na kuyatafakari makuu haya.

SALAMU ZA PASAKA.

Yesu alipoingia Yerusalemu Wayahudi walitandika nguo zao chini ili Yesu apite. Haohao walipaza sauti zao wakisema asulubiwe, acha kuchanganyikiwa tambua kuwa mwanadamu anabadilika, alisema anakupenda ipo siku atasema anakuchukia, aliyesema mtatenganishwa na kifo ipo siku atakupa talaka, aliyesema wewe ni mwema ipo siku atasema una roho mbaya, na Yule unampenda sana  atageuka kuwa adui mkubwa.

Je, Tusiwe na marafiki? Yesu alisema uwe mjanja kama nyoka na mpole kama ua, ishi kwa akili ukimkumbatia Yesu katika maisha ya kila siku naye atakufunulia yote upate mwanga wake. Sherekea Pasaka njema.