Maisha ya Mtakatifu Ignatius wa Loyola(Life of Saint Ignatius de Loyola)

Mtakatifu Ignatius wa Loyola alizaliwa kwenye mji huitwao Loyola,Guipuzco mwaka 1491 nchini Hispania na alifariki tarehe 31 Julai 1557 kwenye mji wa Roma nchini Italia .

Mtakatifu Ignatius wa Loyola alikuwa Padri wa Kanisa Katoliki na nimaarufu hasa kama mwanzilishi wa Shirika la Yesu na niwa mtindo wa Mazoezi ya kiroho na Papa Paulo V kuwa mwenye heri tarehe 27 Julai 1609 na baadae alitangazwa kuwa mtakatifu tarehe 12 Machi 1622 na Papa Paulo V.

Sala ya Mtakatifu Ignatius wa Loyola 
Pokea, Bwana, hiari yangu yote.
Pokea kumbukumbu, akili na utashi wote.
Vyovyote nilivyonavyo au kuvimiliki nimejaliwa na wewe: nakurudishia vyote na kuukabidhi utashi wako uvitawale.

Unijalie tu upendo wako na neema yako, nami nitakuwa tajiri kutosha, nisitamani kitu kingine chochote.

St. Ignatius Loyola - Saints & Angels - Catholic Online

Who was St. Ignatius Loyola? - Xavier University

 

Chakula cha Mkatoliki kila Siku

 
Sala za Asubuhi

Ee Baba yetu Mungu Mkuu, Umenilinda usiku huu, Ninakushukuru kwa moyo, Ee Baba, Mwana na Roho, Nilinde tena siku hii, Niache dhambi nikutii, Naomba sana Baba wee, Baraka yako nipokee, Bikira safi ee Maria, Nisipotee unisimamie, Mlinzi Mkuu Malaika wee, Kwa Mungu wetu niombee, Nitake nitende mema tu, Na mwisho nije kwake juu, Amina.

Nia Njema

Kumheshimu Mungu wangu, Namtolea roho yangu, Nifanye kazi nipumzike, Amri zake tu nishike, Wazo neno tendo lote, Namtolea Mungu pote, Roho, mwili chote changu, pendo na uzima wangu, Mungu wangu nitampenda, Wala dhambi sitatenda, Jina lako nasifia, Utakalo hutimia, Kwa utii navumilia, Teso na matata pia, Nipe Bwana neema zako, Niongezee sifa yako, Amina.

Sala ya matoleo

Ee Yesu kwa mikono ya Bikira Maria, na kwa maungamo na sadaka yako kuu, ninakutolea sala, matendo, masumbuko na furaha zangu zote za leo. Ee Yesu, ufalme wako utufikie

Baba yetu

Baba Yetu uliye mbinguni, Jina lako litukuzwe; Ufalme wako ufike, Utakalo lifanyike duniani kama mbinguni. Utupe leo mkate wetu wa kila siku, Utusamehe makosa yetu, Kama nasi tunavyowasamehe waliotukosea. Usitutie katika kishawishi, Lakini utuopoe maovuni. Amina.

Salamu maria

Salamu Maria, umejaa neema; Bwana yu nawe; umebarikiwa kuliko wanawake wote, na Yesu, mzao wa tumbo lako amebarikiwa. Maria mtakatifu, Mama wa Mungu, utuombee sisi wakosefu, sasa na saa ya kufa kwetu. Amina.

Kanuni ya imani

Nasadiki kwa Mungu, Baba Mwenyezi,/ mwumba mbingu na dunia./ Na kwa Yesu Kristu, Mwanaye wa pekee, Bwana wetu;/ aliyetungwa kwa Roho Mtakatifu,/ akazaliwa na Bikira Maria,/ akateswa kwa mamlaka ya Ponsyo Pilato,/ akasulubiwa, akafa, akazikwa,/ akashukia kuzimu;/ siku ya tatu akafufuka katika wafu;/ akapaa mbinguni;/ amekaa kuume kwa Mungu Baba Mwenyezi;/ toka huko atakuja kuwahukumu wazima na wafu. Nasadiki kwa Roho Mtakatifu,/ Kanisa takatifu katoliki,/ ushirika wa Watakatifu,/ maondoleo ya dhambi,/ ufufuko wa miili,/ uzima wa milele. Amina.

Amri Za Mungu

1. ndimi bwana mungu wako, usiabudu miungu wengine. 2. usilitaje bure jina la mungu wako. 3. shika kitakatifu siku ya mungu. 4. waheshimu baba na mama, upate miaka mingi na heri duniani. 5. usiue 6. usizini 7. usiibe 8. usiseme uongo 9. usitamani mwanamke asiye mke wako 10. usitamani mali ya mtu mwingine

Amri Za Kanisa

1. hudhuria misa takatifu dominika na sikukuu zilzoamriwa 2. funga siku ya jumatano ya majivu; usile nyama siku ya ijumaa kuu 3. ungama dhambi zako walau mara moja kila mwaka 4. pokea ekaristi takatifu hasa wakati wa pasaka 5. sadia kanisa katoliki kwa zaka 6. shika sheria katoliki za ndoa

Sala Ya Imani

mungu wangu, nasadiki maneno yote linalosadiki , na linalofundisha kanisa katoloki  la roma:kwani ndiwe uliyefundisha hayo,wala hudanganyiki, wala hudanganyi.amina

Sala Ya Matumaini

mungu wangu, natumaini kwako nitapewa kwa njia ya yesu kristu,neema zako duniani na utukufu mbinguni, kwani ndiwe uliyeagana hayo nasi, nawe mwamini.amina

Sala Ya Mapendo

mungu wangu, nakupenda zaidi ya cho chote, kwani ndiwe mwema mwema, ndiwe mwenye kupendeza. nampenda na jirani yangu kama nafsi yangu, kwa ajili yako.amina.

Sala Ya Kutubu

mungu wangu, nimetubu sana dhambi zangu, kwani ndiwe mwema ndiwe mwenye kupendeza, wachukizwa na dhambi. basi sitaki kukosa tena, nitafanya kitubio, naomba neema zako nipata kurudi amina.

Sala Kwa Malaika Mlinzi

malaika mlinzi wangu, unilinde katika hatari zote za roho na za mwili amina

Sala ya Malaika wa Bwana.

Malaika wa Bwana alimpasha habari Maria, naye akapata mimba kwa uwezo wa Roho Mtakatifu. Salamu Maria,…. Ndimi Mtumishi wa Bwana, nitendewe ulivyonena. Salamu Maria, …… Neno wa Bwana akatwaa Mwili, akakaa kwetu. Salamu Maria, ….. Utuombee, ee Mzazi Mtakatifu wa Mungu, tujaliwe ahadi za Kristo. Tuombe: Tunakuomba ee Bwana, utie neema yako mioyoni mwetu, ili sisi tuliojua kwa maelezo ya Malaika, kwamba, Kristo Mwanao amejifanya mtu: kwa mateso na Msalaba wake, utufikishe kwenye utukufu wa ufufuko. Tunaomba hayo kwa njia ya Kristo Bwana wetu, Amina.

Malkia wa Mbingu

Malkia wa mbingu, furahi, aleluya. Kwani uliyestahili kumchukua, Aleluya. Amefufuka alivyosema, Aleluya. Utuombee kwa Mungu, Aleluya. Furahi shangilia, ee Bikira Maria, Alaluya. Kwani hakika Bwana amefufuka Aleluya. Tuombe. Ee Mungu, uliyependa kuifurahisha dunia kwa kufufuka kwake Bwana wetu Yesu Kristu, Mwanao: fanyiza, twakuomba, kwa ajili ya Bikira Maria, tupate nasi furaha za uzima wa milele. Tunaomba hayo kwa njia ya Kristu Bwana wetu. Amina.

Sala za Jioni

Kwa jina la Baba na la Mwana na la Roho Mtakatifu. Amina.

Sala ya Kushukuru.

Tunakushukuru, ee Mungu, kwa mapaji uliyotujalia leo. Amina.

Baba yetu . . .

Salamu Maria . . .

Atukuzwe Baba . . .

Sala ya Imani.

Mungu wangu, nasadiki maneno yote. Linayosadiki na linayofundisha Kanisa Katoliki la Roma. Kwani ndiwe uliyetufumbulia hayo. Wala hudanganyiki, wala hudanganyi. Amina.

Sala ya Matumaini.

Mungu wangu, natumaini kwako, nitapewa kwa njia ya Yesu Kristo. Neema zako hapa duniani, na utukufu mbinguni. Kwani ndiwe uliye agana hayo nasi, nawe mwamini. Amina.

Sala ya Mapendo.

Mungu wangu, nakupenda zaidi ya chochote. Kwani ndiwe mwema, ndiwe mwenye kupendeza. Nampenda na jirani yangu, kama nafsi yangu, kwa ajili yako. Amina.

Kutubu dhambi.

Tuwaze katika moyo wetu makosa ya leo tuliyomkosea Mungu kwa mawazo, kwa maneno, kwa vitendo na kwa kutotimiza wajibu. (Husubiri kidogo).

Nakuungamia Mungu Mwenyezi, nanyi ndugu zangu, kwani nimekosa mno, kwa mawazo, kwa maneno, kwa vitendo, na kwa kutotimiza wajibu.

Nimekosa mimi, nimekosa mimi, nimekosa sana. Ndiyo maana nakuomba Maria mwenye heri, Bikira daima, Malaika na Watakatifu wote, nanyi ndugu zangu, niombeeni kwa Bwana Mungu wetu.

Mungu Mwenyezi atuhurumie, atusamehe dhambi zetu, atufikishe kwenye uzima wa milele. Amina.

Sala ya kuombea watu.

Ee Mungu, nawaombea watu wa nchi hii, wapate kusikia maneno yako na kukupenda wewe Bwana Mungu wetu.

Sala kwa Malaika Mlinzi.

Malaika mlinzi wangu, unilinde katika hatari zote za roho na za mwili. Amina.

Malaika wa Bwana (kipindi kisicho cha Pasaka)

Malaika wa Bwana alimpasha habari Maria.

Naye akapata mimba kwa uwezo wa Roho Mtakatifu.

Salamu, Maria,.....

Ndimi mtumishi wa Bwana.

Nitendewe ulivyonena.

Salamu, Maria....

Neno la Mungu akatwaa mwili.

Akakaa kwetu.

Salamu, Maria....

Utuombee, Mzazi mtakatifu wa Mungu.

Tujaliwe ahadi za Kristu.

Tuombe:

Tunakuomba, Ee Bwana, utie neema yako mioyoni mwetu, ili sisi tuliojua kwa maelezo ya Malaika kwamba Mwanao amejifanya Mtu kwa mateso na msalaba wake tufikishwe kwenye utukufu na ufufuko. Tunaomba hayo kwa njia ya Kristu Bwana wetu. AMINA.

AU;

Malaika wa Mbingu (kipindi cha Pasaka)

Malkia wa mbingu, furahi, aleluya.

Kwani uliyestahili kumchukua, Aleluya.

Amefufuka alivyosema, Aleluya.

Utuombee kwa Mungu, Aleluya.

Furahi shangilia, ee Bikira Maria, Alaluya.

Kwani hakika Bwana amefufuka Aleluya.

Tuombe.

Ee Mungu, uliyependa kuifurahisha dunia kwa kufufuka kwake Bwana wetu Yesu Kristu, Mwanao, fanyiza, twakuomba, kwa ajili ya Bikira Maria, tupate nasi furaha za uzima wa milele. Tunaomba hayo kwa njia ya Kristu Bwana wetu. Amina.

Atukuzwe (mara tatu)

Atukuzwe Baba na Mwana na Roho Mtakatifu. Kama mwanzo na sasa na siku zote na milele. Amina.

Kujikabidhi

Enyi Yesu, Maria na Yosefu nawatolea moyo na roho na uzima wangu!

Enyi Yesu, Maria na Yosefu mnijilie saa ya kufa kwangu!

Enyi Yesu, Maria na Yosefu mnijalie nife mikononi mwenu!

(Rehema ya siku 300).

Wimbo:

Kwa heri Yesu mpenzi mwema,

Naenda usiudhike mno.

Nakushukuru, nakupenda,

Kwa hizo nyimbo za mwisho.

Asubuhi nitarudi.

Yesu kwa heri.

Kwa heri Mama mtakatifu,

Sasa napita pumzika.

Asante kwa moyo na nguvu,

Leo umeniombea.

Asubuhi nitarudi.

Mama kwa heri.

Kwa heri Yosefu mnyenyekevu,

Kazi zatimilizika.

Kama mchana, leo usiku,

Nisimamie salama.

Asubuhi nitarudi.

Yosefu kwa heri.

Kwa jina la Baba na la Mwana na la Roho Mtakatifu. Amina.

Kuomba Ulinzi wa Usiku

Mungu wangu naenda kulala naomba malaika 14, waende nami, wawili juu, wawili chini, wawili upande wa kuume, wawili upande wa kushoto, wawili wanifunike, wawili waniamshe, wawili wanipeleke juu mbinguni. Mimi mtoto mdogo, roho yangu ni ndogo, haina nafasi kwa mtu yoyote ila kwa Yesu pekee. Amina.

Song for Christmass

Prayer of Holy EnjoyS

The Saint Michael Prayer - Pray the Rosary Everyday

1. Prayers to St. Gabriel | St Gabriel of Our Lady of Sorrows

Prayers | Archangel St. Raphael Holy Healing Ministry

 

Maisha ya Mtakatifu Visenti wa Paulo(Life of Saint Vicent of Paulo)

Mtakatifu Visenti wa Paulo alizaliwa tarehe 24 Aprili 1581 huko Pouy Gascony na kufariki tarehe 27 Septemba 1660 huko Paris nchini Ufaransa.Mtakatifu Visent wa Paulo inafahamika kuwa alikuwa padri wa Kanisa la Kikatoliki.

Mtakatifu Visenti wa Paulo ni maarufu hasa kwa huruma yake kwa maskini na inajulikana kuwa ndo mwanzilishi wa mashirika mawili ya kitawa.Mtakatifu Visenti wa Paulo alitangazwa kuwa mwenyeheri na Papa Benedikto XIII tarehe 13 Agosti 1729 na baadae Papa Klement XII alimtangaza kuwa mtakatifu tarehe 16 June 1737.
Tarehe 27 Septemba ni siku ambayo tunamkumbuka Mtakatifu Visenti wa Paulo
Novena to St. Vincent de Paul
novena to st. vincent de paul - famvin

Maisha ya Mtakatifu Peter Claver(Life of Saint Peter Claver)

 Kanisa Kanisa la Mt. Peter Claver huko Cartagena,Kolombia , alipoishi na kufanya kazi.
Mtakatifu Peter Claver alizaliwa tarehe 26 June 1581 Verdu Catalonia,Hispania na alifariki katika mji wa Cartagena,Kolombia tarehe 8 Septemba 1654.Mtakatifu Peter Claver alikuwa padri mjesuiti mmisionari huko Amerika Kusini.


Mtakatifu Peter Claver anaheshimiwa kama msimamizi wa misheni zote za Kanisa Katoliki kwa watu wenye asili ya Afrika kwa sababu alijitoa kwa nadhiri ya kujifanya mtumwa wa  watumwa.Inakadiriwa Mtakatifu Peter Claver aliwabatiza waumini 300,000 hivi katika kipindi cha miaka  40 ya kuhudumia Wanegro wa Kolombia kiroho na kimwili.

Mtakatifu Peter Claver alitangazwa kuwa mwenye heri tarehe 16 Julai 1851 na Papa Pius IX na baadae alifanywa kuwa Mtakatifu tarehe 15 Januari 1888 kwa kutangazwa na Papa Leo XIII.

Tangu kuzaliwa Kwake
Mtakatifu Peter Claver baada ya kuzaliwa kwake huo mwaka 1581 kwenye mji wa Verdu familia yao ilikuwa ya Kitajiri ya wakulima Wakatoliki wazuri ikiwa ni miaka 70 baada ya Mfalme Ferdinando wa Hispania  kuanzisha biashara ya watumwa  kwa kuruhusu ununuzi wa Waafrika 250 huko Lisbon kwa ajili ya makoloni  yake ya Amerika.Biashara ya watumwa ilishamiri sana kwenye karne ya 17 kutoka Afrika kwenda Amerika. Kutokana na mazingira hayo Mtakatifu Peter Claver alijisikia kuongozwa na Mungu afanye kazi kwa juhudi zote.

Mtakatifu Peter Claver akiwa mwanafunzi wa Chuo Kikuu cha Barcelona inasemekana na akili nyingi na moyo wa upendo hasa watumwa. Baada ya kusomea huko miaka miwili, aliandika hivi katika daftari lake dogo alilolitunza maisha yake yote: "Natakiwa kujitoa nimtumikie Mungu hadi kifo, nikijifananisha na mtumwa."

Baada ya kumaliza masomo yake, Mtakatifu Peter Claver alijiunga na shirika la Yesu  huko Tarragona akiwa na umri wa miaka 20. Kisha kumaliza unovisi, baadae alitumwa kusoma falsafa  huko Palma Mallorca.Akiwa huko alifahamiana na bawabu  wa chuo  cha shirika, Mtakatifu Alfonso Rodriguez, bradha  maarufu kwa utakatifu  na kwa karama ya unabii. Rodriguez alijisikia ameambiwa na Mungu kwamba Peter Claver alitakiwa kutumia maisha yake katika makoloni ya Hispania Mpya  barani Amerika, akamhimiza mara nyingi kuitikia wito huo.

Mtakatifu Peter Claver alijitolea kwenda na kutumwa  katika ufalme wa Granada Mpya , alipofikia katika bandari ya Cartagena  mwaka 1610^. Mtakatifu Peter Claver alitakiwa kusubiri miaka 6 kabla ya kupewa upadrisho wakati wa kusoma teologia , aliishi katika nyumba za Wajesuiti huko Tunja na Bogota. Katika miaka hiyo ya maandalizi, aliguswa sana na ukali uliotumika dhidi ya watumwa, pamoja na hali yao ngumu kwa jumla.

Cartagena ilukuwa kituo cha biashara ya watumwa. Kwa mwaka watu 10,000 walikuwa wanashushwa bandarini kutoka Afrika Magharibi  baada ya kusafirishwa  melini katika hali ya kutisha, kiasi kwamba inakadiriwa thuluthi moja walikuwa wanakia njiani. Ingawa biashara hiyo iliharamishwa na Papa Paulo III Na Urban VIII  faida yake kiuchumi ilifanya iendelee kustawi

Mtangulizi wa Peter Claver katika utume wake wa moja kwa moja, padri Alonso de Sandoval, S.J., alimuandaa na kumuongoza hata kwa mfano wake. Sandoval alimuona  Peter Claver kuwa mwanafunzi bora. Mwenyewe alikuwa amehudumia watumwa kwa miaka 40 kabla Mtakatifu Peter Claver hajafika kumpokea katika kazi hiyo. Sandoval alikuwa amejitahidi kujifunza desturi,ibada na lugha za Waafrika, akafaulu kiasi cha kuweza kuandika kitabu  juu ya hayo mwaka 1627 baada ya kurudi Seville.

Mtakatifu Peter Claver alipoweka nadhiri za daima mwaka 1622 katika shirika , alisaini hivi kwa Kilatini  hati ya kujiweka wakfu : Petrus Claver, Aethiopum semper servus ikiimanisha hivi: Petro Claver, mtumwa wa kudumu wa Waafrika.

Inasemekana Sandoval alikuwa akiwatembelea watumwa mahali pa kazi zao kumbe Mtakatifu Peter Claver aliona afadhali kuwasubiri bandarini na kupanda mara kwa mara melini kuwahudumia walionusurika katika safari ingawa ilikuwa shida kutembea kati ya kwa jinsi walivyobanana.

Mtakatifu Peter Claver alivaa joho  alilokuwa tayari kumpa yeyote mwenye shida; baadaye ilisemekana kwamba kila aliyelivaa alipona moja kwa moja maradhi yake.
Baada ya kushushwa ili kupangwa sokoni na kuuzwa baada ya umati wa wanunuzi kuwachunguzachunguza, Mtakatifu Peter Claver alikuwa anawapatia dawa,chakula,kileo,limau na tumbaku. Kwa msaada wa wakalimani na picha  kubwa aliyoleta, aliwapa mafundisho ya msingi katika imani ya Ukristo.


Mtakatifu Peter Claver alishindana na baadhi ya Wajesuiti wenzake waliokubali utumwa, akahimiza wote kuwaona watumwa kama ndugu katika Kristo. Baada ya kuwafundisha na kuwabatiza alijitahidi wapate haki zao  kama binadamu  na kama Wakristo .Hata hivyo utume wake ulienea zaidi, kwa kuhubiri barabarani kwa mabaharia  na wafanyabiashara  pamoja na kwenda vijijini mpaka wakati wa kurudi kuwatembelea aliowabatiza na kuwatetea.Wakati wa safari hizo, alikuwa anajitahidi kukwepa mapokezi ya wenye mashamba na wanyapara wao, akipendelea kulala katika makazi ya watumwa.
Vilevile alihudumia waliotembelea Cartagena  na waliohukumiwa adhabu ya kifu , ambao amewaandaa wengi kufa vizuri kiroho; pia alitembelea mara nyingi hospitali  za mji huo.

Mtakatifu Peter Claver inasemekana mwaka hadi mwaka, kazi na ushuhuda wake vilileta nafuu fulani katika hali ya watumwa, naye akawa na sauti iliyosikika.Miaka ya mwisho,Mtakatifu  Peter Claver alikuwa mgonjwa  mno asiweze kutoka chumbani. Kwa miaka 4 alibaki karibu peke yake, akihudumiwa vibaya (hata karibu kuachwa bila chakula) na mtumwa aliyekombolewa ambaye mkubwa wa nyumba alimuagiza kumshughulikia.Mtakatifu Peter Claver hakulalamika kamwe, alikubali yote kama malipizi ya dhambi zak^.

Inasemekana watu wa Cartagena walipopata habari ya kifo chake hiyo tarehe 8 September 1654,walilazimisha waruhusiwe kuingia chumbani ili kumpa heshima  ya mwisho. Kutokana na sifa zake, walijipatia vipande vya nguo zake kama masalia  hata karibu kumuacha uchi.
Wakuu wa mji, ambao awali walimuona anawasumbua daima kwa kutetea watumwa, waliagiza mazishi ya fahari.

Mtakatifu Peter Claver alitangazwa mtakatifu pamoja na Alfonso Rodriguez, na baada ya miaka minane  Papa Leo XIII alimtangaza mwaka 1896 kuwa msimamizi wa umisionari wote katika ya Waafrika.
Mwili wa Mtakatifu Peter Claver  unatunzwa katika Kanisa la Wajesuiti alipokuwa anaishi, ambayo sasa linaitwa kwa jina lake.

Memorial of St. Peter Claver, priest - September 09, 2017 - Liturgical ...

Siri iliyofunuliwa Kuhusu Rozari Takatifu kupitia Watoto wa Fatima

 
 Fatima ni kijiji kilichopo Ureno  ambapo mnapo mwaka 1916 palikuwepo watoto watatu ambao walikuwa wachunga kondoo walifunuliwa mambo mazito yatendekayo kupitia Rozari takatifu nao majina yao ni Lucia dos Santos (miaka 10), Francisco Marto (8) na Jacinta Marto (7).Watoto hao walitokewa na malaika kadiri ya maandiko ambapo aliwaambia kuwa yeye ni Malaika wa Amani. Aliwaambia waungane naye kuombea amani; maana hiki kilikuwa ni kipindi cha vita kuu vya kwanza vya dunia. Ilikuwa ni kama maandalizi ya kukutana na Bikira Maria.


Tarehe 13 Mei 1917 wakiwa machungani tena, waliona kama mtu akiwa anatoa nuru kali kuliko jua ambaye alikuwa ni mwanamke. Lucia alimwuliza anatoka wapi na anataka nini. Aliwaambia anatoka mbinguni na anataka wawe wanaenda pale inasemekana ilikuwa ni eneo liitwalo Cova da Iria kwa muda wa miezi sita lakini iwe ni kila tarehe ya 13 ya mwezi katika muda uleule. Kisha alisema kuwa baada ya hapo ndipo atawaambia kusudi lake. Akawaambia wawe wanasali rozari kila siku ili kuleta amani duniani na kumaliza vita.

Pia Tarehe 13 Juni 1917 walienda tena kwenye eneo lile inavyosemekana, na wakati huo kulikuwa na watu takribani 50 hivi pamoja nao ikadiliwavyo. Watoto wale walimwona tena huyoMama Bikira Maria (lakini si wale watu wengine) na akawaambia, “Nataka mje tarehe 13 mwezi ujao na kusali rozari kila siku. Kisha baadaye nitawaambia nitakacho.

Lucia alimwomba awapeleke mbinguni. Maria akasema kuwa angewachukua Jacinta na Francisco baada ya muda mfupi, lakini Lucia angebaki. Ni kweli Jacinta na Francisco walikufa wakiwa watoto lakini Lucia aliendelea kuwapo hadi katika umri mkubwa.

Mama Bikira Maria alimwambia Lucia: Yesu anataka kukutumia wewe kunifanya mimi nijulikane na kupendwa. Anataka kuanzisha ibada ya moyo wangu safi duniani kote. Naahidi wokovu kwa yeyote atakayekubali; roho hizi zitapendwa na Mungu. Kama maua yaliyowekwa name kupamba kiti chake cha enzi.” 

Alafu tarehe 13 Julai watoto hao walifika tena Cova na kumwona Maria. Lucia akamwuliza anachokitaka. Akawajibu tena: "Nataka mje hapa tarehe 13 mwezi ujao ili kuendelea kusali rozari kila siku kwa heshima ya Mama yetu wa Rozari; ili kuleta amani na mwisho wa vita duniani, ikiimanisha ni yeye tu ndiye anayeweza kuwasaidia."  

Baadaye Mama Bikira Maria aliwaonyesha maono ya kuzimu ambako roho nyingi zinateseka. Baada ya hapo kadiri ya maandiko, aliwaambia hao watoto kwamba: “Mmeona kuzimu zinakoteseka roho za wenye dhambi. Ili kuwaokoa, Mungu anataka kuanzisha duniani ibada kwa moyo wangu safi. Kama mkifanya kile nitakachowaambia, roho nyingi zitaokolewa na kutakuwa na amani ...” 

Tarehe 13 Agosti ilipokaribia, habari hizi zilishafikia vyombo vya habari ambavyo haviungi mkono mambo ya kidini. Hiyo ilifanya habari hizi zisambae kwa watu wengi sehemu mbalimbali. Asubuhi ya tarehe 13, watoto wale walitekwa na meya wa Vila Nova de Ourem, Arturo Santos. Walihojiwa juu ya siri walizokuwa wanazijua lakini waligoma kabisa kusema. Watekaji walijaribu kiuwahonga fedha na hata kuwatishia kifo, lakini hawakusema kabisa. 

Agosti 19, Lucia, Francisco na Jacinta walikuwa pamoja kwenye eneo linaloitwa Valinhos, karibu na Fatima wakati wa mchana. Walimwona tena Maria ambaye aliwaambia: "Nendeni tena Cova da Iria tarehe 13 na kuendelea kusali rozari kila siku." Maria akasema kuwa angefanya muujiza ili watu waamini, na kama watoto wale wasingekuwa wametekwa, basi huo muujiza ungekuwa mkubwa zaidi. 

Tarehe 13 Septemba kundi kubwa la watu lilikusanyika Fatima. Mchana hao watoto walifika na waliweza kumwona Mama Bikira Maria (lakini si watu wengine).  Alimwambia Lucia: "Endeleeni kusali rozari ili kukomesha vita. Mwezi wa Oktoba Bwana wetu atakuja pamoja na Mama yetu wa huzuni na Mama yetu wa Karmeli (Our Lady of Dolours and Our Lady of Carmel). Mtakatifu Yohana atatokea pamoja na mtoto Yesu ili kuibariki dunia ....” 

Tarehe 13 Oktoba 1917 watu wengi sana walikusanyika Cova. Wengi walienda wakiwa hawajavaa viatu huku wakisali rozari kama namna ya kuonyesha unyenyekevu kwa Maria. Mchana watoto wale walimwona Maria. 

Kwa mara nyingine tena  mtoto Lucia alimwuliza swali lilelile la siku zote: Unataka nini? Akasema: Nataka kukuambia kwamba kanisa lijengwe hapa kwa heshima yangu. Mimi ndimi Mama wa Rozari. Endeleeni kila wakati kusali rozari kila siku. Vita vitakwisha, na askari watarudi hivi karibuni nyumbani kwao.” Baadaye alianza kupaa kwenda juu kuelekea kwenye jua. 

Historia inatueleza wakati huo ndipo umati mkubwa wa watu uliweza kuona kile kinachotajwa kama mwujiza. Kwa vile kulikuwa na mawingi, mawingu yale yaliachana na jua likaonekana kama duara jeusi ambalo mtu aliweza kulitazama bila kuumia macho. Mashuhuda wanasema kuwa waliona jua likitetemeka na kuchezacheza na kugeukageuka rangi. Wengine wakasema waliona uso wa Maria, nk. 

Kanisa lilikaa kimya kuhusu maono ya Fatima hadi ilipofika Mei 1922 ndipo Askofu Correia alitoa barua ya kichungaji juu ya jambo hili; akisema kwamba angeunda tume ya kuchunguza suala hili. Mwaka 1930 alitoa barua nyingine ambayo, pamoja na mambo mengine, ilisema:

“Kulingana na masuala ambayo yamewekwa wazi, pamoja na mengine ambayo hatutayataja kwa lengo la kufupisha taarifa hii; huku tukimsihi Roho wa Kiungu na kujiweka chini ya ulinzi wa Bikira Mtakatifu sana, na baada ya kusikiliza maoni ya mapadri Washauri katika jimbo hili: 

1. Tunatangaza kuwa maono ya watoto wachunga kondoo kule Cova de Iria, parokia ya Fatima, katika jimbo hili, yaliyoanza tarehe 13 Mei hadi tarehe 13 Oktoba 1917 yanastahili kuaminiwa.  
2. Tunaruhusu rasmi imani ya Mama Yetu wa Fatima.  

Mwanzo wa uwepo wa jina Bikira Maria wa FatimaBikira Maria wa Fatima yaani jina  rasmi: Bibi Yetu wa Rosari takatifu wa Fatima Nossa Senhora do Rosário de Fátima.Jina mojawapo la Bikira Maria lililotokana na njozi maarufu mnapo mwaka 1917 walizozisimulia watoto watatu wa Fatima huko Ureno: yaani Lusia Santos pamoja na binamu zake Yasinta Marto na Fransisko Marto.

Inasemekana hizo njozi zilithibitishwa na Kanisa Katoliki kuwa za kuaminika mpaka ilianzishwa kumbukumbu yake katika liturujia  kila tarehe ya ile ya kwanza, 13 Mei.Papa Pius XII  tarehe 13 Mei 1946 alikubali rasmi Sanamu iliyotengenezwa kutokana na masimulizi hayo itiwe taji.Mnamo tarehe 11 Novemba 1954, alitangaza patakatifu  pa Fatima kuwa basilika  kwa hati Lucer Superna.
read more:

The story of Fatima: the apparitions, the miracles and the journey to ...

marejeo (1998) Fátima in Lúcia's own words: sister Lúcia's memoirs. Secretariado dos Pastorinhos. ISBN 978-972-8524-00-5. Retrieved on 26 October 2010.